Mae’r digwyddiad arbennig hwn yn cloi’r cyfres o weithgareddau a gynhaliwyd yn ystod Chwefror a Mawrth 2026 fel rhan o brosiect Er Mwyn Dyn. Yn ystod y noson, bydd yna recordiad byw dan arweiniad Hannah Loy, cyflwynydd yr ‘Aberystwyth Book Club’, a fydd yn trafod cyfrol Mari Ellis Dunning, Witsh. Bydd crïwyr tref Er Mwyn Dyn hefyd yn cyhoeddi cerdd a ysgrifennwyd gan Mari Ellis Dunning mewn ymateb i’r cam-drin ar-lein a brofwyd gan Athika Ahmed, llysgennad iechyd menywod ifanc yng Nghymru. Bydd y gerdd yn cynnwys llinellau o farddoniaeth a gasglwyd gan feirdd ledled Cymru.

‍ ‍

Mae mynediad am ddim ac mae croeso i bawb ond mae angen cadw lle ymlaen llaw ar Eventbrite: https://www.eventbrite.co.uk/e/voices-and-visibility-womens-stories-across-time-tickets-1985288715992

‍ ‍

Digwyddiad i ddathlu’r gwaith creadigol a wnaed gan fynychwyr gweithdai, Symposiwm y myfyrywyr doethur a chyfranwyr eraill fel rhan o’r prosiect cydweithredol yma rhwng Ysgol Gelf Prifysgol Aberystwyth a rhwydwaith Spineless Wonders. Bydd arddangosfa pop-yp o’r gwaith rhwng 4yp a 6yh, gyda darlleniadau gan y sawl sydd wedi cyfrannu at neu fynychu digwyddiadau Darllen y Dirwedd: Spineless Wonders rhwng 5yp a 6yh. Mae croeso i bawb ac nid oes angen cadw lle ymlaen llaw.

Map yn dangos lleoliad yr Ysgol Gelf

Cyfle i ddysgu hanfodion strwythurau celf llyfrau, gan ddilyn templedi i greu detholiad o arteffactau wedi’u plygu. Gan ystyried y llyfr fel cynhwysydd athraidd, bydd y gweithdy hwn yn archwilio dulliau megis plygu, torri, rhwygo, coladu, olrhain a dileu, i greu dilyniannau sy’n cael eu cadw o fewn ei ffurf. Caiff y gweithdy ei arwain trwy gyfrwng y Gymraeg a’r Saesneg gan yr artist gweledol Catrin Menai a Harriet Fuller sy’n arbenigo ar argraffu. Darperir yr holl ddeunyddiau ond fe’ch gwahoddir i ddod ag unrhyw bapurau, darnau, nodiadau neu elfennau rydych chi wedi’u canfod ac yn teimlo y dylid eu cynnwys yn y broses. Mae’r gweithdy yn rhad ac am ddim ond mae angen cadw lle ymlaen llaw ar Eventbrite. Mae hwn yn brosiect ar y cyd rhwng Ysgol Gelf Prifysgol Aberystwyth a rhwydwaith Spineless Wonders.

Gall y dirwedd siarad â ni… os ydyn ni’n fodlon gwrando. Bydd y gweithdy tywys hwn yn dechrau gyda thaith gerdded hamddenol lle gaiff y sawl sy’n cymryd rhan eu hannog i arsylwi ar ac amsugno’r amgylchedd o’u cwmpas. Gyda’n gilydd byddwn yn clywed y drudwy yn clicio ac yn chwibanu, yn arogli ewyn y môr neu’n sylwi ar arlliw adfeilion y castell. Byddwn yn rhyngweithio â’r dirwedd trwy iaith a chelf, gan feddwl am yr hyn y gall ein hamgylchedd ei ddweud wrthym a sut y gallwn ymateb. Caiff y sawl sy’n cymryd rhan gyfle i ysgrifennu a darlunio’r dirwedd a throi’r cyffredin yn rhywbeth rhyfeddol. Arweinir y gweithdy gan yr awdur Mari Ellis Dunning a’r artist Elin Crowley fel rhan o brosiect ar y cyd rhwng Ysgol Gelf Prifysgol Aberystwyth a rhwydwaith Spineless Wonders.

Cydweithrediad rhwng Big Wave / Ton Fawr a Chanolfan Ddeialog Prifysgol Aberystwyth yw’r prosiect hwn sy’n dod â gwaith celf cyhoeddus i strydoedd y dre. Fel rhan o dymor Heddwch a Chariad ehangach, bydd ‘Aros am Heddwch’ yn gosod gwaith celf ar thema Heddwch Cadarnhaol mewn tair arhosfan bws yn Aberystwyth – dwy ym Mhenparcau ac un ar riw Penglais ger Ysbyty Bronglais. Y nod yw cynnig eiliad o fyfyrdod i bobl yn ystod eu teithiau bob dydd. Bydd y gwaith yn ymddangos ar yr arosfannau bws yn ystod wythnos olaf mis Mawrth. 

Symposiwm wyneb-yn-wyneb dan ofal Miranda Whall – artist rhyngddisgyblaethol, academydd, a hyfforddwr/mentor – a myfyrwyr doethur Ysgol Gelf Aberystwyth, Adran Astudiaethau Theatr, Ffilm a Theledu ac Adran Saesneg ac Ysgrifennu Creadigol y Brifysgol. Bydd y siaradwyr gwadd fydd Ben Porter ac Elinor Gwynn, y cadeiryddion Zoe Quick a Heledd Wyn Hardy, a’r myfyrwyr doethur yn dod ynghyd i archwilio ffyrdd newydd o fod, canfod, cynrychioli ac ailddychmygu tirwedd Cymru. Mae’r awr gyntaf yn cynnwys y symposiwm ar-lein uchod. Am ragor o wybodaeth ac i archebu eich lle am ddim, ewch i’n tudalen Eventbrite.

Gan fynd i’r afael â thema Darllen y Dirwedd, bydd y digwyddiad Zoom ar-lein hwn yn dwyn ynghyd gasgliadau arbennig o Lyfrgell Genedlaethol Cymru, Aberystwyth; Coleg Prifysgol Llundain (UCL); Llyfrgell Senate House, Prifysgol Llundain (SHL); a Sefydliad Ymchwil a Llyfrgell John Rylands, Prifysgol Manceinion. Gyda chyflwyniadau gan Timothy Cutts a Miidong P. Daloeng o’r Llyfrgell Genedlaethol; Liz Lawes, UCL; Tansy Barton a Leila Kassir, SHL, a Tabitha Tuckett, Prifysgol Manceinion, byddwn yn rhannu cyhoeddiadau gweisg bach ac effemera eraill sy’n ymwneud â Darllen y Dirwedd, sy’n un o brif themâu Dinas Llên Aberystwyth Ceredigion, rhan o rwydwaith UNESCO o ddinasoedd creadigol. Dan ofal Ysgol Gelf y Slade.

Dyma ran gyntaf Symposiwm wyneb-yn-wyneb a gynhelir yn Ysgol Gelf Aberystwyth rhwng 2yp a 6yh – manylion isod.  

Sesiwn i ddysgwyr Cymraeg a phobl sydd â diddordeb mewn iaith i ddod i archwilio’r berthynas rhwng creu celf am neu yn y dirwedd, ac iaith, a beth all y gydberthynas hon ddysgu i ni am natur, y ffordd yr ydym yn ymwneud â’r byd naturiol fel pobl, a phwysigrwydd enwau i ddeall ein cynefin. Caiff y gweithgareddau amrywiol eu harwain gan Esyllt Lewis, awdur preswyl Dinas Llên yng Nghanolfan y Celfyddydau, a’r artist Brian Swaddling. Dewch ag esgidiau cerdded a menig… a siaced! Mae nifer y lleoedd yn gyfyngedig felly cofrestrwch nawr i fod yn rhan o sesiwn creadigol, cymdeithasol a hamddenol.

Cadw lle am ddim: https://aberystwythartscentre.co.uk/cy/event/gweithdy-tirio-workshop-2/

Cyfle i ddysgu hanfodion strwythurau celf llyfrau, gan ddilyn templedi i greu detholiad o arteffactau wedi’u plygu. Gan ystyried y llyfr fel cynhwysydd athraidd, bydd y gweithdy hwn yn archwilio dulliau megis plygu, torri, rhwygo, coladu, olrhain a dileu, i greu dilyniannau sy’n cael eu cadw o fewn ei ffurf. Caiff y gweithdy ei arwain trwy gyfrwng y Gymraeg a’r Saesneg gan yr artist gweledol Catrin Menai a Harriet Fuller sy’n arbenigo ar argraffu. Darperir yr holl ddeunyddiau ond fe’ch gwahoddir i ddod ag unrhyw bapurau, darnau, nodiadau neu elfennau rydych chi wedi’u canfod ac yn teimlo y dylid eu cynnwys yn y broses. Mae’r gweithdy yn rhad ac am ddim ond mae angen cadw lle ymlaen llaw. Mae hwn yn brosiect ar y cyd rhwng Ysgol Gelf Prifysgol Aberystwyth a rhwydwaith Spineless Wonders.

Gall y dirwedd siarad â ni… os ydyn ni’n fodlon gwrando. Bydd y gweithdy tywys hwn yn dechrau gyda thaith gerdded hamddenol lle gaiff y sawl sy’n cymryd rhan eu hannog i arsylwi ar ac amsugno’r amgylchedd o’u cwmpas. Gyda’n gilydd byddwn yn clywed y drudwy yn clicio ac yn chwibanu, yn arogli ewyn y môr neu’n sylwi ar arlliw adfeilion y castell. Byddwn yn rhyngweithio â’r dirwedd trwy iaith a chelf, gan feddwl am yr hyn y gall ein hamgylchedd ei ddweud wrthym a sut y gallwn ymateb. Caiff y sawl sy’n cymryd rhan gyfle i ysgrifennu a darlunio’r dirwedd a throi’r cyffredin yn rhywbeth rhyfeddol, a byddan nhw’n gadael gyda llyfryn bach yn llawn eu gwaith creadigol nhw. Arweinir y gweithdy gan yr awdur Mari Ellis Dunning a’r artist Emily Wilkinson fel rhan o brosiect ar y cyd rhwng Ysgol Gelf Prifysgol Aberystwyth a rhwydwaith Spineless Wonders.

Ymunwch â sgwennwyr, artistiaid a daearyddwyr ar deithiau cerdded a gweithdai creadigol er mwyn archwilio tirweddau newidiol afonydd ac arfordir Aberystwyth a dechrau taith sgwennu newydd. Arweinir y gweithgaredd gan Nuala Dunn, Hywel Griffiths, Dewi Roberts, Brian Swaddling a Stephen Tooth.

Gan gychwyn am 12:30 ar ddydd Sul 15 Mawrth ger ‘The Hut’ ar draeth y de, bydd y grŵp yn ceredded ar hyd y prom a’r arfordir cyn dychwelyd i Ganolfan Arad Goch am 17:30 ar gyfer lluniaeth ac yna gweithdy ysgrifennu creadigol.

Mae mynediad am ddim ond rhaid cadw lle ymlaen llaw drwy e-bostio hmg@aber.ac.uk cyn 8 Mawrth, gan nodi unrhyw anghenion diet.

Ymunwch â sgwennwyr, artistiaid a daearyddwyr ar deithiau cerdded a gweithdai creadigol er mwyn archwilio tirweddau newidiol afonydd ac arfordir Aberystwyth a dechrau taith sgwennu newydd. Arweinir y gweithgaredd gan Nuala Dunn, Hywel Griffiths, Dewi Roberts, Brian Swaddling a Stephen Tooth.

Gan gychwyn am 12:30 ger ‘The Hut’ ar draeth y de, bydd y grŵp yn ceredded ar hyd glannau afon Rheidol cyn dychwelyd i Ganolfan Arad Goch am 17:30 ar gyfer lluniaeth ac yna gweithdy ysgrifennu creadigol.

Mae mynediad am ddim ond rhaid cadw lle ymlaen llaw drwy e-bostio hmg@aber.ac.uk cyn 8 Mawrth, gan nodi unrhyw anghenion diet.

Bydd Gareth Bonello/The Gentle Good yn sgwrsio gyda’r Athro Mererid Hopwood am ei albwm Elan, ac yn perfformio’r caneuon a ysbrydolwyd gan dirwedd a hanes Cwm Elan. Bydd y bardd o Iwerddon Dairena Ní Chinnéide hefyd yn perfformio ei cherddi, a chawn glywed cyfieithiadau Cymraeg Mererid o’i gwaith. Darperir cyfieithu ar y pryd.

Mae mynediad am ddim ond mae nifer y llefydd yn gyfyngedig felly e-bostiwch Arad Goch i gadw lle: post@aradgoch.org