Gweithdy a sesiynau dilynol dan ofal yr Athro Mererid Hopwood o Adran y Gymraeg ac Astudiaethau Celtaidd Prifysgol Aberystwyth i roi cychwyn ar brosiect Heolydd Heddwch. Y nod yw datblygu taith dywys lenyddol yn mapio’r cysylltiadau rhwng llenyddiaeth a heddwch cadarnhaol yn ardal Aberystwyth a sir Ceredigion.

Mae’r prosiect yn dwyn ynghyd awduron, beirdd, ymchwilwyr, haneswyr ac arbenigwyr ar fapio creadigol, a bydd yn rhoi sylw i unigolion megis Gwenallt, T.E.Nicholas, T.H.Parry-Williams, Waldo Williams, Henry Richard ac eraill.